Un blanc anhèl passeja
un jorn de grand solelh,
quora la set l´agafa,
davala beure al rèc.
Sul còp lo lop arriba,
se´n vòl talhar un tròç,
sul còp l´anhèl i esclafa
lo nas amb un bigòs !
Ai barrejat lo sòmi
e la realitat,
aquela cançon fola
serà per los enfants !
Francisco Mussolini
e Benito Franco
se lançan de granadas
ambe Adolf Nixon.
Domenge e sas banas
fan rire tot l´infèrn
ont Tiers tira los pelses
del papa Inocent .
E la formiga canta
e la cigala, uèi
que pobles, e mainatges
an pas paur de la nuèit !