Seguissèm lo camin del puèch
Anam veire, anam veire,
Seguissèm lo camin del puèch
Anam veire lo solelh.
Se levar darrièr las corbièras
Tot rajent d´aiga de la mar
De la mar mediterranèia
Entre Leucate e Sijan.
Miègjorn : caminam susents
Anam veire, anam veire
Miègjorn : caminam susents
Anam veire lo solelh.
Coma una roda dins lo cèl
Dançar damont las pirenèas
Sus la musica d´un rondèu
Barrejat d´un aire de fècas !
Davalam lo camin del brèlh
Anam veire, anam veire
Davalam lo camin del brèlh
Anam veire lo solelh.
Amanhagar la malapèira
Negra montanha del lop,
Clinhar de l´uèlh e puèi de pèrdre
Darrièr las brancas d´un pibol.
Nos en tornam a Cofolens
Monta l´ombra, monta l´ombra
Nos en tornam a Cofolens
Monta l´ombra de la nuèit.