S´acabavan las vendémias
Avem vist dins lo cèl blau
Per damont la roca blanca
Un gavian clar de la mar.
-Gavian de alas blancas
Ont as daissat ton estanh ?
Las rassisas e las rasas
Son pas de bon repausar !
-Volavi, volavi
E mas alas son cansadas
De tan camin.
Volavi, volavi...
Vòli demorar aici !
-Gavian de las alas blancas
Ont as daissat ton estanh ?
Cèrç que chiula per las matas
Val pas musica del larg.
-Cantavi, cantavi...
E ma votz s´es amargada
Pel camin,
Cantavi, cantavi...
Vòli demorar aicí !
-Gavian de alas blancas
Ont as daissat ton estanh ?
Dins los brèlhs de mon vilatge
L'aiga del rèc raja sens sal !
-Cercavi, cercavi,
Ma vista s´es embrumada
De còps de nuèit.
Cercavi, cercavi...
Vòli bemorar aicí !
-Gavian de alas blancas
Qué cresiás aicí trapar ?
Ras de tèrra o dins l´aire
Nos cansam per avançar.
Desvaries pas ta rota
Per una falsa amistat,
Una lagrèma trop salada
O un solelh d´amagat !